Zyrtar të OSBE-së, nga Rajoni i Mitrovicës dhe Pejës në Deçan

Zyrtarë të OSBE-së, nga Rajoni i Mitrovicës dhe Pejës, bashkë me zyrtarë të arkivave komunale të 6 komunave, të premten kanë qëndruar në Deçan. Ata janë pritur nga kryetari e Komunës , Rasim Selmanaj, ndërkohë  kanë vizituar Arkivin Komunal, i cili është funksionalizuar pas realizimit të projektit nga OSBE-ja  përmes investimeve  bashkë me Komunën në vlerë prej 47 mijë eurosh.

Pasi që  kryetari Selmanaj, i falënderoi të pranishmit për mbështetjen e OSBE-së më shumë projekte për Deçanin ,i ka njoftuar për ndryshimet evidente që janë bërë nga udhëheqja e re komunale .,,Po punojmë më politika dhe dinamika të reja ’’pohoi nder të tjera ai ,duke numëruar realizimin e disa prej projekteve mjaft domethënëse për qytetaret e kësaj komune. Në këtë kuadër ai ka veçuar nënshkrimin Memorandumit më MAPH për investime të përbashkëta në vlerë pre 1 milion eurosh ,të cilat i dedikohen realizimit të projektit të ujerave të zeza .Selmanaj i ka njoftuar të pranishmit se ky projekt do të realizohet brenda dy vitesh dhe njëherë e përgjithmonë Deçani dhe një pres e fshatrave  të përafërta do të zgjidhin  këtë problem jetik .

Pas numërimit edhe të disa projekteve tjera, Kryetari Selmanaj, ju ka treguar zyrtarëve të OSBE-së për rritjen  e nivelit të transparencës dhe të demokratizimit , të cilat më herët kanë munguar. Ndërkaq pasi që të pranishmit kërkuan të njoftohen  më gjerësisht më punën e Arkivit Komunal , kryetari Selmanaj ,ka treguar se projekti i realizuar më investime të përbashkëta, tashmë është funksionalizuar .Jemi në fazën e konsolidimit të arkivit , i cili sipas tij ka nevojë edhe 2 apo 3 punëtorë , kurse sa i përket klimatizimit të hapësirave të tije jemi ne fazën e tenderimit .